Gero arte Sekeko!

[Gure herri askotan autonomia eta bizitza-politiko-askatzailea aurkitzen den indar gabeziaren ispilu izan daiteke Sekeko gaztetxearen (Sopela) `agurrik gabeko´ agurra]

Gero arte Sekeko      

Datorren maiatzaren 7an, Sekeko gaztetxeak bere “hileta” ospatuko dau. Sei urte ostean agurtuko gaitu.
Agurrik ez…

-.-.-.-.-          

SEKEKO GAZTETXEAREN AZKEN OHARRA      

Ohar garrantzitsua!!!
Iepa lagunok. Hainbezt asanblada eta hausnarketaren ondoren Gazte Asanblada Sopeloztarrak Sekeko Gaztetxearen ateak ixteko erabaki hartu dau. Eraikina berak, hasieratik behar asko eskatu dauena gogoz berpiztu zan baina urteak aurrera jon ahala espazio horrek, Sopelako herriarentzako nahiko ez danak txikiegia izanagatik eta dauen baldintzengaitik, lan eskerga gehiegizkoa suposatu dau bertan militatzen dauren kideentzako, gehiegizko inderra bideratu baita eraikina bera mantendute eta gobernate beharretan eta bestelako lanketetarako energia agortuz. Egungo testuingurun, arazo tekniko asko tarteko, eta gaztetxea tresna bat dala ulertuz, beste hainbezt gauza landuteko eta egiteko, ez dogu ikusten herrian Gaztetxea hauspotuteko adina gogo dauenik eta gure indarrak bideratu gure doguz lan sozial , kultural eta politikoa egitera, inertzietatik askatuz aisialdia eta herri mugimendua astintzera.
1) Berton, hainbezt jendek Gaztetxeari emondako materialak dauz. Zuok
berton daun zeozeren jabe bazare eta berreskuretu gure badozue imiñi kontaktuan gugaz emailez mesedez, epe laburren material duztik beste kolektibo edo gaztetxeetara bideratuko doguz eta.
2) Bideo bat grabatuko dogu, Sekekori buruz memoria eta omenalditxo modure. Sekeko bertatik pasatu den jendea danlez, bakoitzak jarri dauen apurra ( jaialdi batera jon, tailer batzuten parte hartu, domeketan afaldu, auzolan batera jon, zeozer proposatu…) Bertotik pasa zarean duztiok gonbidatuta zauze Martxoaren 12 eta 13an grabatuko dogun bideoan parte hartutera.(Goiz eta arratsaldez egongo gara grabaketatan, baina pertsona bakotzaren aportea pare bat minetukoa izengo da, azkarra. Halanda bere, ahal duzuenok konfirmatu ze egun eta ordu ingerun etorteko asmoa dozuen, antolatuteko, itxaroten ez egoteko etab.Printzipioz Gaztetxean bertan grabako da). Benetan, asko eskertuko da zure presentzia!! Historia sortuteko eta birsortuteko memoria gordete beharrezkoa da ta.
3) Gazte Asanblada Sopeloztarrak ordea bizi-bizirik jarraituko dau eta ondo etorriak zare danok. Mugi ez arren errota mugitzeko herria!
Eskerrik asko amets hau errealitate bihurtu dozuen danori,
kaleetan ikusko dogu alkar!!
Osasuna, asanblada eta autogestioa!

Plaza Beltza - ekintzak

BERANDU JARRI DInAGU BAINA LARUNBATEKO EKINTZETARA JOAN HAITEKE


Kaixo berriro ere

Badakizuenez, aurtengo kurtsoan lokal barik abiatu gara. Horrek gure
ibilbidea guztiz aldatzera eraman gaitu, leku berria eduki arte behintzat.
Gauzak horrela, kulturgunea ireki genuen 4. urteurrenera ailegatu gara eta
iazko formatuari eutsi diogu: formakuntza jarduera, mural politikoen
topaketa eta kontzertuak; bi egunetan banatuta. Hausnarketa politikoa
indartu beharra dago eta kalea berreskuratzeko lan egin, horretarako gure
jarduera xumeekin segituko dugu aurrerantzean ere.


  *Azaroak 6, asteazkena*

*20:00etan Kurtzioko udal kultur etxean. Militantziaren inguruko
solasaldia.*

Militantzia politikoa gainbeheran dagoela esaten dute batzuek, baina zer
dakigu militantziaren inguruan? Gure hizkera politikoan erabiltzen ditugun
hitzen inguruko hausnarketa sakona ez egiteko joera daukagu. Militantzia
haietariko bat da. Hausnarketa honetan laguntzeko militantzia beraren
inguruko mahai-ingurua prestatu dugu. Bertan jatorri ezberdineko
militanteek hartuko dute parte: mugimendu asanblearioko, Gazte Komunisten
Kolektiboetako (GKK), eta ezker abertzaleko kideak egongo dira.


  *Azaroak 9, larunbata*

*16:00retan. Mural politikoen topaketa*

Ideiak zabaltzeko edo hainbat egoera salatzeko bestelako baliabiderik euki
ez eta hormak erabili izan ditu herri xeheak beti. Hala ere, gaur egun,
informazioa abiada itzelean transmititzen da eta kalean mezu iraunkorrak
uzteko ohitura galtzen ari da. Hori berreskuratzeko asmoz mural politikoen
topaketa burutuko dugu berriro ere. Horretarako, esandako orduan gaztetxean
geratu gara, denak elkarrekin prestatutako lekura joateko. Materiala,
formatua, zein mezua askeak izango dira eta egongo diren limite bakarrak
puntualitatea eta prestatutako lekuan egitea izango dira.

*21:00etan. Kontzertua. Jauregizar Plazan*

Amaitzeko, kontzertua eta pintxada egongo dira. Bertan bi taldek hartuko
dute parte; RCB eta Shinigami taldeek, hain zuzen ere. Ostean Naparra dj-ak
musika ipiniko du.


  Beste barik, bertan elkar ikusiko dugulakoan,

Laster arte.

Eta ez etsi!

--
Plaza Beltza Kulturgunea

Akilino Arriola, 59
Larrabasterra (EH)

plazabeltza@gmail.com